शिकण्याची प्रक्रिया बरीच गुंतागुंतीची आहे. स्वत: विद्यार्थी आणि परिसरातल्या इतर अनेक घटकांचा प्रभाव त्यावर पडतो. म्हणून विद्यार्थ्याच्या सध्याच्या शिक्षण पातळीची अचूक माहिती शिक्षकांना मिळणे आवश्यक आहे. तसे झाले तर प्रत्येक विद्यार्थ्याला अपेक्षित शैक्षणिक ध्येय गाठण्यासाठी शिक्षक मदत करू शकतील. प्रत्येक विद्यार्थ्यासाठी स्वतंत्र योजना आखणे त्यांना शक्य होईल. ग्रामीण भारतातील अधिकाधिक विद्यार्थ्यांपर्यंत पोहोचता यावे यासाठी ग्यानप्रकाश फाऊंडेशन क्षमताधिष्ठित शिक्षण पद्धतीवर विश्वास असणाऱ्या विविध संस्थांशी सहयोगी प्रयत्न करत आहे. त्यातूनच विद्यार्थीनिहाय शिक्षणाचे ध्येय गाठता येईल.